Púff...

Þetta er alveg ótrúlegt veðurfar að verða alls staðar eða hvað? Rigningar og flóð með tilheyrandi mannfalli og skemdum, hitabylgjur sem gera út af við fólk og svo endalaust sól og sumar hér... Hvernig endar þetta?

Allt á floti í Illinois

Til hamingju Ágúst

Get ekki lýst því hvað ég var ánægð að sjá þessa frétt og eins og svo margir aðrir þá var það fyrsta sem mér datt í hug.... Til hamingju Ágúst... hvað annað er hægt að segja. Þú hefur haldið ótrauður áfram, ekki gefist upp og náð þínu í gegn.

Það vill hins vegar svoleiðis til að ég veit varla hver Ágúst er og myndi satt að segja alls ekki vita það nema út af þessu máli. Það er nefnilega þannig að ef þú ert ein/einn af þeim sem hefur orðið fyrir misnotkun (og það eru ansi margir sem falla í þann hóp því miður) þá gerist það ósjálfrátt að eyrun sperrast þegar um þessi mál er fjallað. Og satt að segja þá finnst manni nóg að sönnunarbyrgðin sé svo erfið að aðeins hluti af málunum sleppi í gegn í beina ákæru og að dómarnir sem afbrotamennirnir fái séu afar stuttir (svo ekki sé sterkara til orða tekið) þó að ekki bætist við að eftir ákveðin tíma þá bara fyrnist málið....

SVO ENN OG AFTUR TIL HAMINGJU EKKI BARA ÁGÚST HELDUR VIÐ ÖLL, ÞETTA ER ÁN EFA SKREF Í ÁTT AÐ AUKNU RÉTTLÆTI

Fyrningarfrestur á kynferðisafbrotum gegn börnum afnuminn

Það er sko ekki ónýtt...

... að vera með skemmtilegast liðið. Mín reynsla er að skemmtilegt fólk getur komist ansi langt... bara á húmornum, held svei mér þá að það gæti bara átt við Íslendingana líka. Það að hafa gaman af þessu og vera svolítið skemmtilegir getur fleytt þeim langt.

Síðan er ég svartsýnismanneskjan orðin svo bjartsýn að ég er bara farin að halda að Íslendingar geti unnið þennan leik (og þá er nú mikið sagt, held ég hafi spáð þeim tapi í öllum leikjunum nema kannski á móti Áströlum man ekki svo langt aftur). Eftir að hafa horft á leikina (með öðru auganu þar sem ég verð alltaf svo stressuð þegar ég horfi á leik að ég verð að standa reglulega upp og flýja af vettvangi) er ég sannfærð um að við séum með besta markvörðinn, bestu skyttuna, besta leikmanninn, besta þjálfarann og bestu alla hina :-)

En alla vega ÁFRAM ÍSLAND

Íslendingar með lakasta en skemmtilegasta liðið

Kannski...

O jæja kannski er LOKSINS eitthvað farið að þokast í þessum málum. Þessi ofuráhersla á að vera grannur er gjörsamlega farin út í öfga og það fyrir lifandis löngu... Ég meina samkvæmt BMI stuðli er óheilbrigt fyrir konur að vera undir 18,5 og þegar stjórnendur tískuvikunnar á Spáni ákváðu að neita fyrirsætum sem voru með lægri stuðul en 18 (takið eftir engu að síður 0,5 lægri en telst heilbrigt) þá kom hver tískufrömuðurinn á fætur öðrum og fordæmdi Spánverjana og sagði að ef þeir vildu endilega nota FEITAR fyrisætur þá væri það þeirra mál en það ætti ekki að neyða aðra til þess....

FEITAR FYRIRSÆTUR  sem engu að síður máttu vera 0,5 undir heilbrigðismörkunum... púff spáið í þetta hversu firrtur er hægt að vera. Og svo eru þetta ímyndinar sem ungar stúlkur horfa á og bera sig saman við... Nei bíðið þetta er víst ekki alveg rétt hjá mér... þær bera sig saman við þessar konur EFTIR að það er búið að "fótósjoppa" myndirnar af þeim í strimla... VÁ VÁ VÁ skrítið að ungar stúlkur séu óánægðar með útlitið ekki satt???

Og fyrst ég er nú komin á flug, finnst engum nema mér leiðinlegt að sjá aldrei svo mikið sem eina hrukku (sérstaklega á konum) í sjónvarpinu (þó svo að fólk sé kannski orðið 70 ára eða eldra) það eru flestir (vil ekki segja allir og staðhæfa) orðnir svo strektir að það er ekki nokkur möguleiki á að sjá broshrukku eða bara nokkur merki um að einstaklingurinn sé að eldast eðlilega... Púff húff og snúff... orðin frekar pirruð!

Topshop vill ekki ofurgrannar fyrirsætur

Ótrúlegt hvað upp kemur þegar farið er að grafa

Já síðustu vikur hafa sýnt þjóðinni svo ekki er um villst að það er ótrúlegt hvað getur komið upp þegar farið er að grafa. Byrgið sem naut almenns stuðnings og velvildar hjá almenningi vegna starfsemi sinnar (ja eða öllu heldur vegna þeirrar starfsemi sem gefið var út að þar færi fram) er nú á allra vörum og fólk er eiginlega alveg orðlaust, skilur ekki hvernig þetta var hægt. Hvernig gat þessi maður komist upp með þetta í öll þessi ár, misbeytingu á aðstöðu sinni og að fara svona með peningana sem lagðir voru í starfsemina? Já og enginn ábyrgur. Alltaf gott þegar enginn er ábyrgur held að við meðaljónarnir ættum að taka okkur til fyrirmyndar ýmsa áhrifamenn  og læra af þeim hvernig við getum fyrrt okur ábyrgð á öllu sme aflaga fer...

Nú hefur þriðja konan komið fram og kært Guðmund og sumir velta fyrir sér hvernig hægt sé að kæra hann fyrir nauðgun þar sem konurnar hafi samþykt það sem fram fór. Satt að segja þá tel ég að það sé minnsta mál. Því spurningin er í hvernig ástandi voru þær þegar þær samþyktu og hver var það sem átti að hjálpa þeim upp úr þeirra fíkn og efla sjálfstraust þeirra en ekki nýta aðstöðu sína til að svala þörfum sínum? Veltum þessu fyrir okkur og veltum einnig fyrir okkur hvað okkur þætti ef einhver þessarra kvenna væri dóttir okkar? Myndum við þá ypta öxlum og segja ja... en hún samþykti?

Þriðja nauðgunarkæran gegn Guðmundi Jónssyni

Fræknir Frakkar

Var að spá í hvort það væri ekki betra fyrir "Strákana okkar" ef Frakkarnir töpuðu, það er eins og þeir vinni frekar ef liðið er nógu sterkt... ég meina þeir unnu jú Frakkana en töpuðu svo fyrir Pólverjunum sem okei eru kannski pínu góðir líka... Málið er bara að ég er búin að smitast af HM-veirunni eins og allir hinir Íslendingarnir og LANGAR SVO að Íslendingarnir komist eitthvað aðeins áfram... ÉG er ekkert að biðja um mikið bara sigur í úrslitaleiknum!!!

Frakkar burstuðu Slóvena

Áfram Viktoría

Það sem hún Viktoría okkar getur nú látið út úr sér... alltaf jafn skynsamlegt og upplýsandi. Gott að vita að hún hafi fattað að hún var minni en Kate hefði verið voðalega leiðinlegt fyrir hana að halda að þær væru jafn stórar þó það hefði reyndar ekki komið mér á óvart miðað við að hún heldur að hún geti ekki verið með átröskun vegna þess að hún sé meðvituð um hvað hún borði... Já hún Viktoría okkar er sem sagt grindhoraður dvergur með loftpúða framan á sér (sem hún telur að séu brjóst) væntanlega þá til að verja hana ef hún rekst í gangstéttarbrúnina.

Viktoría: „Mér fannst ég dvergvaxin“

Púff....

Hvílík endaleysa í kringum þessa vísindakirkju. Verð að viðurkenna að ég er ekki heilluð ennþá af því sem ég hef heyrt um hana. Konur eiga að fæða börn sín í þögn (je ræt... skildu það vera karlmenn sem fundu upp á því) þú þarft að borga til að komast áfram í stigunum sem trúin skiptist upp í (a ha reyndar er það nú í takt við allar nútíma áherslur... áfram penge) og svo framvegis. Held satt að segja að það væri næstum til bóta ef Cruse væri skilgreindur sem Guð... Hann myndi þá kannski hafa nóg að gera í Guðabissnesinum þannig að við þyrftum ekki að horfa á hann í bíó myndum lengur...

Tom Cruise er „Kristur“ Vísindakirkjunnar

Hjálmar hættur

Jæja þá er Hjálmar hættur í stjórnmálum. Heyrði viðtal við hann í morgun þar sem hann nefndi að það væri alveg merkilegt hvað Suðurnesjamenn kæmu alltaf illa út í prófkjörum og vísaði í þau prófkjör sem haldin hafa verið í Suðurkjördæmi undanfarna mánuði. Kom meira að segja með þessa líka flottu líkingu um að það væri kannski vegna þess að Suðurnesjamenn væru vanari því að sækja sjóinn en bændurnir á Suðurlandinu vanir því að smala... Verð að viðurkenna að mér fannst líkingin flott og lýsa miklu hugmyndaflugi. Þó persónulega telji ég að Hjálmar hafi einfaldlega tapað vegna þess að Guðni er vinsæll í flokknum (að Hjálmari ólöstuðum) varaformaður og afskaplega góður í svona maður á mann samskiptum sem skifta jú svo miklu máli í prófkjörum. Reyndar verð ég að viðurkenna að sú hugsun læddist að mér hvort Hjálmar hafi ekki bara planað þetta alltsaman. Það er ákveðið að sækjast eftir fyrsta sætinu til þess að geta þá bara hætt í stjórnmálum ef það gengi ekki upp ég meina hann hlítur bara að hafa gert sér grein fyrir því hversu þungur róður þetta væri... Suðurnesjamaðurinn sjálfur

Hjálmar Árnason hættir í stjórnmálum

Alltaf gaman júró

Horfði á keppnina í gær og var bara nokkuð hrifin, reyndar minnkaði hrifningin talsvert þegar ég heyrði hvaða lög komust áfram en maður verður jú að taka þessu öllu með jafnaðargeði. Var ósáttust við að blómabörn kæmist áfram það er einhvern vegin svo gjörsamlega lítið spennandi og svo saknaði ég þess að lag númer tvö kæmist áfram. Hefði svo viljað sjá það, það var flott og grípandi og og og .... en sjáum hvað setur næstu tvö laugardagskvöld.

Þrjú lög áfram í undankeppni Söngvakeppni Sjónvarpsins